رئيس مجلس الادارة:
د. سامي طايع
رئيس التحرير
محمد متولي فضل

×

تحذير

JUser: :_load: غير قادر على استدعاء المستخدم برقم التعريف: 323

شعر- ماجد منصور إبكي يا كل أمدموع بلون الدم
 دم ابنك المسفوح
علي الطريق بينوح
ويبوح ويفضحنا
كنا.. فأصبحنا
أشلاء بلا ديه
وحروف معديه
مشبوكه في الهامش
ممنوعه م التدوين
لكن بتتعايش
مش عارفه تشكي لمين
وان جينا ننطقها
الآهه تسبقها
تعصر في ناس تانيين
ثكلي، ومكلومين
جرحي، ومقتولين
بأيادي شرعيه
صوابعها مبريه
والطعنه مأجورة
ما أبشع الصوره
صورة وحوش الأرض
بينهشوا في العرض
ويدهسوا الحرمه
في النور، وفي الضلمه
مش فارقه وياهم
واحتار ما بين مية فرض!!
كان إيه جري للخلق
ساعة ما طخوا الحق
إيه اللي خللاهم
ساقوا البرئ للشنق
وحلوا زهق الروح
آخر نفس مدبوح
يهمس بصوت مبحوح: 
أصل الخسيس أعمي
وان شاف بيستعمي.

رأيك في الموضوع

Please publish modules in offcanvas position.